2024年度深度回顧髮型師篇 24年頭仲為左係澳洲生存既我 仲係快剪店翻緊工👹 由一個有要求既人變成一個機器 由一個一日只係接到10-12個客既髮型師再變成一個一日剪到50個客既快刀手 由一個温柔既髮型師變成一個比客人叫我 "Can you gentle? This is my head"既快刀手 之後我自己都頂唔順自己點解甘熱愛既工 會做成甘樣... 開始再踏上揾工之路🚶🏼‍♀️ 好快甘揾到一份韓國人既salon 點知又到另一個地獄.. 作為全公司唯一一個唔係韓國人既我 就成為左新黎新豬肉 最下欄既野就係我做晒 眾所周知salon 有洗 剪 染 漂 電 而我係一個有各方面都有經驗既髮型師 每日翻去只係做另一個機器 只係分配淨係剪頭髮既客人比我 染頭髮淨係比啲染黑色既客人比我😀 其餘既都唔比我做 簡直係0尊‼️ 以我甘多年既經驗 一做就知係老屎忽既鋪頭 為左唔再做快刀手好快地頂左一個月就發生左一件事... 好睇話我知 下回再續~~~ 多謝收睇 布里斯班生活