繼續返上一個故事 去到九龍塘落左客 係4點半am左右 由於兩位客人係要用手機電子支付 所以係車上整左一陣先比到錢落車 而係掃緊qr code既時候有一男一女係我車頭係咁望好似係想跳上車既 但我又應承左女友我收工前要去tst接埋佢 （當晚係24號平安夜 而我5點半am要交更 所以我本身打算做完張九龍塘就衝去接女） 到成功收到錢 客人落車去happy啦 跟住個女仔就上車 個男既就企係門邊冇上車 同我講：師父唔該去天水圍天晴邨 我心諗：大撚獲😱平時想要大旗又唔出現 呢個時候即落即上張咁既野😱 由於我落左客連之旗都未開返出黎 係我同自己內心掙扎左一陣之後 正當我想諗緊我應該話我有下一個客定係我夠鐘交更時 門口個男既就出聲了：師傅，天水圍喎，兩三百蚊支旗都唔岩做咩真係？ 於是我就話：咁好啦，不過我有少少趕時間，我揸快少少啦 （事後我諗返其實我係一定唔夠時間） 故事有少少長..係留言再續～