呀爸係典型傳統觀念嘅大男人，脾氣暴躁 從小就重男輕女，細個係佢口中聽過好多難聽嘅説話，罵我同呀媽係雞，係仆街，要攬住跳樓一齊死，甚至試過拎住刀指住我（冇physical 嘅暴力對待，但言語暴力都影響深遠） 細個呀媽執屋，有盒佢留俾我嘅嫁妝，當住我面前，同呀媽講要留晒俾仔同新抱，個女冇用 去到而家，準備談婚論嫁，呀爸年尾確診有兩種癌症，講真，我一啲感覺都冇，反而年老嘅公公婆婆近年頻繁出入醫院我仲擔心 有次係戲院睇白日之下，我睇到譚玉瑛係街到罵修哥個幕，我直接爆喊。。 我另一半叫我要學𢤦原諒，我反思對佢嘅記憶同印象，由細個憎恨佢，到而家同一屋簷下但如同陌生人，冇感覺嘅我都唔知點叫原諒，佢入院都會探下病，但只限於此