從來冇諗過成身大汗唔係因為熱、做完運動或者肚痛標冷汗，而係因為開咗個「大」後緊張到標汗！ 話說去馬六甲旅行期間，夜晚10點幾喺巴士總站等緊巴士時扭肚痛，我即刻衝去廁所，當日我著咗條鬆身長褲，由於個廁所只得踎廁，而本人唔係幾識去踎廁，兼且個廁格地板勁濕，我把心一橫諗住直接除咗條長褲出嚟先開大！而又費事喺廁格除褲驚整濕條褲，眼見當時廁所冇人，心諗咁夜都冇乜人搭巴士，就算入嚟嘅都係女人啫，我除咗條長褲都仲有條底褲同打底褲，於是我直接喺兩排廁格中間除條長褲出嚟！ 成功除褲後我入咗稍為冇咁濕嘅廁格開工，成個辦大事過程都非常唔方便同緊張，又驚high到整污糟，又要小心翼翼拎紙巾出嚟清潔，我諗同我一樣唔識去踎廁嘅人應該好有同感！直至辦完大事，清潔完起身回頭一望，OMG😱😱😱 續…