2024旅遊回顧（2） 5月 日本京阪神：起碼提早一個月以上book環球影城minion world（另外購買既門票）去京都影和服相必須要早，9點幾已經有唔少日本學生揀衫化妝。大阪燒熱氣，推薦京都嵐山一間京都御膳+京都特有麻雀串燒 6月 中國廣西：正宗嘅廣西螺螄粉係唔臭。桂林陽朔山水需要整整一日時間（我冇去，因為去過下龍灣了） 7月 中國北京：較哂時間（好似開放7日前預訂）諗住去故宮，完全搶唔到。萬里長城唔好排纜車，排左1.5小時，慢慢行都快過熱等，上都去，多人到好似行年宵市場咁。非常推薦食北京烤鴨（唔洗特別揀有名氣，正常評分，間間差不多） 8月 卡塔爾：搭左全球最佳飛機-卡塔爾航空，就是座位比較多小禮物（耳塞眼罩）送，食物沒有特別好味。反而要讚賞全球最佳機場-卡塔爾多哈機場，乾淨，而且有專門訓覺休息室+吸煙室。不過去呢啲國家要尊重當地文化：女性唔好著短褲短裙露腰等等衣服、冇豬肉食、男女朋友唔可以拖手挽手等等... 摩洛哥：雖然都係穆斯林，但係曾經被西班牙法國統治過，相對會寬鬆少少。見過不少西班牙女性飛釘，大概係穿衣自由。推薦去舍夫沙萬同埋撒哈拉沙漠（產業鏈成熟，安心報團）