𝟐𝟎𝟐𝟒最後一日！要派成績表俾自己喇！ 如果100分滿分，大家會俾幾多分自己呢？ 又諗返起以前英國讀書嘅時候 以前嘅成績表有兩個評分 𝐀~𝐄 係代表𝐀𝐭𝐭𝐚𝐢𝐧𝐦𝐞𝐧𝐭 𝟏~𝟓 係老師認為你有努力既𝐄𝐟𝐟𝐨𝐫𝐭 當然𝐀𝟏就係代表最高分啦～成績好好不特止老師仲睇得出你超級努力！ 今年嘅自己可以話好努力好努力、收穫嘅成績都係比預期好～所以我會俾自己𝐁𝟐? 𝐔𝐦…因為我都會有偷懶嘅時候🤣 以前打工個陣都唔會特別去諗自己嗰年係做成點～創立咗𝐄𝐜𝐬𝐭𝐚𝐭𝐢𝐜 𝐅𝐥𝐨𝐫𝐚𝐥之後經常會去回顧各方面點樣可以做得更加好！始終自己辛苦建立經營，當然會好上心🥺 一人工作室非常不容易 實際整花時間，只佔工作嘅3/10時間 其他好多時候都係不停去做好多工作上瑣碎嘅事 例如採購入貨訂貨、整理花材、同客人溝通、經營IG、安排送貨 好多朋友話我自從做咗呢行之後就個世界好似剩係得花咁 講得冇錯呀，當你全程投入去做一件事嘅時候真係瞓覺都諗住啲花😆 因為呢份對我嚟講唔單只係工作咁簡單！亦都係我熱愛同埋鍾意去做嘅事～ 好佩服所有嘅同行可以堅持咁耐！ 花藝師唔係輕輕鬆鬆咁插花就做到㗎！新一年，大家都要加油呀！💪🏻