2024算係死過翻生既一年，首先好感激呢段時間關心我既屋企人同朋友，亦都感謝自己既努力同勇氣。 自從知有呢個病我有時都會傷心難過、有時身體上又好多不適、又有好多細節位要自己注意，但你地嘅關心，見面嘅時候知我個病有啲細節要注意又會特別小心，多謝你哋！🩷 特別感激我老公無微不至嘅照顧，陪我喊、陪我笑、忍受我嘅脾氣，仲有我屋企人默默支持，我想食乜就有乜，我想講佢哋隨時都會聽，唔想講亦俾好多空間我，在心中！ 雖然有病係不幸，但係萬幸起碼喺仁濟同博愛都遇到好有心既醫生，起碼有個明確嘅治療方向。同埋個天應該都想話我知，我係時候需要休息，亦都係一個機會令我停落黎好好思考。由中四開始放假就做兼職，之後一直努力工作、照顧家庭，都冇時間關注同善待自己 而家兩個女大左，我會繼續好好生活，盡量遠離令我唔開心既人同事，密切留意自己嘅身體狀況，定時打針食藥接受治療。不過無論如何都會明白，唔係努力左就一定可以得到任何保證。我會珍惜每分秒，希望黎緊可以繼續同愛既人好好活在當下。 2025繼續希望我愛既人健康平安，開開心心！