2024年最後一日就咁樣施施然地到咗。 全年出過三個post，上一個post係6月的，但實際上日子都係一日一日咁過，生活當然亦都冇停過。有時覺得自己好似喺海中心，啲浪一下一下咁湧過嚟，我都只可以隨波而去。腳不着地但又要一直向前、偶爾四處張望，如何好好回顧？ 原本諗住年尾前都記錄下屬於自己嘅2024，始料不及又病一場，終於又深刻感受到計劃同安排都係冇乜用，不如諗到就即刻做。 最感傷的是今年我好似失去咗書寫和閱讀的能力，可能又喺時候諗一諗生活中有啲咩唔妥。希望聽日開始我可以慢慢將重心逐啲逐啲移返去自己身上，要做嘅事講完就做，保持身心康泰。 「大多數時候，我都不知我在哪裏。」——唯有執住出現過嘅光，向前行落去。