「無錢就唔好學人拍拖，乖乖地返屋企打＿機啦！」 個個都議論緊，男人月入三萬唔好學人溝女拍拖。 第一個直觀感覺… 而家香港地做男人有無咁可憐🥲 大家太習慣聚焦「月入」，但似乎會忽略「可支配收入」呢個重要因素… … 係唔係月入愈多就愈能代表一切？ 舉個例，如果月入十萬或以上，但每月可支配收入得萬零二萬… 會發生咩事？一般人要搵得到呢個數，多數都銷售、從商有關吧？ 銷售、從商之類，往往經濟環境掛勾；坦白講，而家市道係點，大家心裡有數，萬一高薪一族，份工保唔住、又或者月入不穩… … 生活就會即時陷入困境；堅持求偶要睇月入幾多，仲緊唔緊要？ 無辦法，戀愛市場大環境係咁… …市場係唔會錯，錯嘅只會係人。 唯有迫自己理財上再嚴格啲，將可支配收入提升至少70%以上先算啲啲安全；可惜，薪酬月入頂盡都只係僅僅夠同二副機長睇齊… 望返我自己，已經唔係「唔適合」溝女拍拖，而係未夠資格😮‍💨 我呢啲小哥布林，都係匿返入森林先~ 🙂‍↕️