搵一個有共同目標嘅另一半 比30k收入更可貴 最近講到對另一半有咩要求， 諗返其實自己從來都冇認真列過擇偶條件清單。 可能因為自信心唔夠， 對於擇偶總係擔心別人會嫌棄自己。 所以可以搵到而家嘅老婆， 真係覺得好幸福。 仲係女朋友嘅時候我哋仲係fg， 啱啱加埋收入先得三萬， 佢唔會嫌棄我親手做嘅平價禮物， 亦唔會介意每個月只食一次好西， 因為我哋希望一齊儲錢， 將來可以得到屬於兩個人嘅安樂窩。 八年後今日，我哋結咗婚四年， 已經完成咗當年目標買咗樓。 依家就算家庭月入有十萬， 亦唔介意減低對奢華生活既渴求， 個人開支依然都只係一萬左右。 一黎我哋好享受簡單平凡嘅生活， 二黎我哋有共同目標， 知道時間比金錢更珍貴。 我哋想努力達到財務自由， 擺脫工作既束縛，奪回自己嘅時間。