⚜️發人深省⚜️ 真係好少何打咁多字哈哈 多謝你哋陪咗我咁耐❤️‍🔥 各位同學，真係唔覺唔覺，又到咗 2024最後一日啦！回頭諗返呢一年，你嘅努力我真係全部睇喺眼入面。 DSE壓力大，呢啲我明，但我要同你講一句：你今日流嘅汗，係未來成就你自己嘅基石。 數學呢科，其實唔需要你天生叻過人，最緊要係肯堅持！有啲題目，你可能練咗十次都解唔到，但唔好放棄，第十一次就可能突破！就好似我成日講嘅，「細節決定成敗，信心來自勤奮！」 你可能覺得自己呢一年進步唔大，但其實學習嘅成長係慢慢累積出嚟嘅。 每一次你諗多一步，計多一個方法，其實已經係進步緊。數學係咁，細水長流，最終一定見到成果。 新一年，我希望你繼續努力拼搏，但同時要記住，對自己好啲，適當休息，保持心態平衡。考試固然重要，但唔像人生嘅全部。條路仲好長，記住學識欣賞過程，咁先至係真正嘅成功。 最後，祝大家新一年身體健康，成績有突破！我會繼續陪住你，一齊捱到最後一秒。 數學戰士們，加油呀！ —Faat3 sir