2024年應該係我人生製作最多模型既一年 更加係由超級地隱俠用指甲鉗既新手到學習咩係磨件，刻線，滲線，噴地灰，學習噴油，噴消光，噴光澤，抹油，舊化，認識水性油，油性油，遮蓋自己畫刻線！所有野都盲摸摸咁試，28架摸型都係細個擁有過舊版但已經掉哂。每砌一部都回憶滿滿！ 點解會突然整咁多部？由24歲果陣開始學人做生意，每日都剩係訓4個鍾捱左幾年某d，2017果年入左另一間公司又捱左幾年，2021年尾攪自己野又捱到2023年發現原來自己已經40歲了！40歲係咩概念？係有機會突然離開人世既年紀。