對唔住，我係chill guy，有啲嘢好隨緣mood到先見到，但我一路有擺喺心。2024最後一日，我睇返一直支持我嘅人比我嘅信，回望返合作過嘅人送比我嘅禮物，眼都濕埋。 我覺得我係一個好幸運又幸福嘅人，每當我感到迷失時，總係會喺唔同嘅地方收到唔同嘅鼓勵同支持。尤其係當我見到你哋話我做過嘅事竟然喺你哋失落時成為動力，你哋都比返好多動力我繼續行一條唔知結果係點嘅路。 我想同見面又好dm又好留言又好，所有支持過我同鼓勵過我嘅人講：「好感謝你哋每一句說話。」多謝你哋會同我點解鍾意睇我點解對我抱有欣賞嘅目光，你哋嘅說話我都有擺喺心，個股力量好大，就好似你哋同我講我點比到力量你咁大，而佢會一路撐住我渡過狀態不好嘅時候。 無論喺英國嘅你也好、工作壓力大到透唔到氣嘅你也好、每次都嚟親身支持我嘅你也好、喺屋企留言嘅你也好，好感恩各位支持我，呢啲力量唔係老奉得到！呢一篇回信，希望你哋每一個都會睇到。祝各位2025年身體健康，心裏平安喜樂！LYA🤍 2024年12月31日 孝仔上