點都做下大事回顧 2024真·跳出舒適圈 辭咗份返咗6.5年以為做到退休既工🙂 當仲諗緊有無決定錯既時候 公公就人生online登出 然後發現搞喪事好多野要處理 去完喪禮接住去旅行 成家都去咗個史上最無心機去既旅行 今年試咗好多第一次🙂 但2份全職都係新野 但有機會就試 試完發現做全Admin既野係唔啱自己🫠 到依架呢份 學既野好多 見識好多 眼界大咗好多 同時 壓力大咗好多 責任都大咗好多 明明勁怕煩 想返工就返工收工就收工既me 竟然做緊一份有返工無咩收工既工🙃 但都做咗就快4個月 希望捱得到落去 不論身心狀態都係 同埋最後發現好多人想升職想有職權 但我發現管人好難🫠 以前返工做好自己就得 依架做好自己仲要管理埋人地 講緊大至分工培訓人才 小至佢地儀容整潔同準唔準時起身返工 好難🫠真係好難🫠 今年仲有另一個人生解鎖🔓 由於休息太少 壓力有啲大 入緊離島巡舖期間直接訓低咗 第一次訓咗落陌生人度 第一次暈低完成身硬晒郁唔到又口齒不清 第一次上白車 第一次去北大嶼山醫院 第一次公司開架車黎接你出院返屋企 雖然擔心又有下一次 新一年希望能量無限 黎明來到前都係黑暗既 你話係咪呀？