原來唔經唔覺咁就半年，我大半個2024 年就用左係度😶‍🌫️ 呢半年最強嘅感覺就係當我地揼咗好多錢、資源同埋人手去做好多好有意義嘅研究，但係出到嚟個數字係根本reach 唔到好多audience ，感覺好似嘥咗好多有意義嘅數字。又或者可能係喺而家嘅香港，研究特首同政府支持度呢啲數字已經冇咩意思 第二就係當社會經濟轉差嘅時候，NGO 同埋獨立研究機構係會更加困難。講緊嘅係當大部份人收入都減少嘅時候，仲邊會有人俾錢做研究同埋捐錢呢～ 好多外國嘅民意研究機構都係either 有大學俾錢，或者係喺非常發展嘅民主社會入面，就會有好多傳媒俾錢去做民意研究然後報出街。所以喺香港營運一個冇人俾錢嘅獨立民意研究機構其實真係唔簡單。 最後就係發現原來好多香港人都幾樂意做電話訪問。以前一直覺得乜打電話俾人叫佢哋做訪問有人會睬你架咩，但係我試完之後就發現原來都有三分一聽電話嘅人會願意認認真真做個訪問。不過當然有無數嘅人見到個3 字頭嘅電話號碼都唔會聽🫥 好啦總結完我大半個2024，我以後唔會再喺考試之前嗰日返工架喇😭