2024終於都過 老豆 呢10個月冇左你 我地一家人過得好艱難 雖然我哋過得好艱難 但係呢段艱難嘅日子 令到我哋一家人喺冇咗你之後 我哋更加團結 比以前更加似一家人 你嘅離開 令到我哋睇得清楚 有啲咩人喺身邊 有啲咩人唔喺身邊 你以為會留喺我哋身邊嘅人 原來係會對我哋不聞不問 對你都漠不關心 人在人情在我明白 留喺我哋身邊嘅 我哋會放係心 我哋身邊嘅 我哋會唔介意 但我哋會記住 你放心 我哋一家人身體好好 桐桐越大越乖 家姐都越嚟越堅強 姐夫會睇住家姐同埋桐桐 媽咪就身體好好 日日踩單車咁濟 媽咪會慢慢接受你既離開 我就會俾心機搞好間鋪 做返啲成績俾你睇 等人哋知道 你揸住把鉸剪 養咗我哋一家人40幾年 教到我可以係髮型師呢一行 可以獨當一面係唔會影衰你boo哥個名 至於其他所謂嘅朋友 所謂嘅兄弟 所謂嘅親戚 我會做返個後輩同一個人應該要做嘅嘢 但我唔會放佢哋在眼內 好過我哋自己嘅生活 希望2025年有新既開始