2025年第一天，新年快樂🎈 很少做任何個人回顧，因為活到現在人生都係屬於平平淡淡，冇啲乜嘢大事需要記錄。嚟到2024年，人生終於有啲轉變，想記錄一下📕 年頭做了一個大決定，離開了一畢業就開始做嘅office 工種，離開了自己嘅comfort zone，轉做每日要出外走走趯趯、唔太需要跟人溝通，比較要獨立處理嘅工作。人工、福利小左、體力勞動多左、但感覺開心左，係值得嘅，亦感恩自己可以作出呢個大轉變，唔駛每日再對住啲小人🏃‍♀️ 同一時間，收到要做「陪審員」嘅通知，亦成功被甄選到，做左14日可能一生人都唔會有機會做到嘅工作💼 過程當中完全唔係電視劇嘅情節，冇 “Objection 大人” ，有嘅只係每日重覆又重覆聽到嘅「犯罪」過程描述，以及當中嘅荒謬。原來呢個世界「無知」係勝過一切，而法庭亦只係相信「証據」，縱然全世界都知被告唔係「不知情」嘅，但因為冇實質証據，所以最終疑犯都係無罪釋放🤷‍♀️ 年中收到家人患癌消息，縱然唔係第一次遇到，但收到嘅時候都只係識得喊，感覺無助😔 只能順從醫生嘅治療方案，由好喜歡食嘢到而家因為治療而完全唔想食嘢，身邊家人都幫唔到，一切要當正常生活落去（續） 流量密碼