【2024全年本地樂壇回顧 結語】 「致旅途中的我」 每年大除夕我都有個「小傳統」 就係打開streaming 然後喺「本機離線歌曲」隨機點播第一首歌 今年第一首隨機點播到 @nowhereboyshk 〈致旅途中的我〉 又出奇地幾啱2024全年本地回顧嘅主題 「一起。順流」😂 所以想用呢首歌嚟總結呢次年尾回顧 「一起。順流」呢個主題 係源自「年中回顧」go with the flow嘅概念 再加上我對呢個城市嘅睇法而結合出嚟嘅 2024年 我哋見到好多舊事物 抵抗唔住「時代洪流」 小店 戲院 大財團都逃唔過結業潮 無人知道呢波風浪喺新一年會捲去邊 試問香港樂壇又點會喺呢場洪水免疫呢？ 當經濟轉差 市場縮窄 音樂人越嚟越難生存 屬於被動角色嘅樂迷同Page主 （我） 可以做嘅係走埋一齊面對佢 用行動去支持心目中嘅好音樂 買碟 聽串流 去演唱會 搞唔到演唱會就課金網上音樂會 鼓勵大家支持本地新歌 就係全年回顧嘅意義 將廣東歌轉化為凝聚力 築起方舟迎接呢一股洪水 順流於洪 轉危為機 話唔定會搵到新出路呢 「一切都只係過程」 致旅途中的廣東歌 祝妳來年平平安安 （1/2）