Designer 最好係做freelance

係唔係design行業都好 好多人靠後門惡曬 有好多灰色地帶and桃色人事關係先可以步步高升 出黎做嘢三年真係睇到好都核突職場醜聞 原來d關於上位嘅行業傳聞真係係現實會發生 雖然我由2024 1月失業到依家 in左好多間都比人freeze headcount 無人請 但係我相信2025會更好

我以前返過一間印刷+設計+出版嘅公司，腦細一家大細都喺Office，又係有個太子女，日日都罵人，粗口橫飛，唔講佢係富二代，仲以為係街頭潑婦，好在我工作唔需要接觸佢，亦慶幸佢都唔知我存在過。 嗰個太子女以前喺出面有個Office，搞自己嘅藝術生意，為咗節省租金，於是搬返嚟老竇間公司，佔一間房繼續做自己嘅生意，仲用埋老竇公司隔離個單位做自己嘅畫廊。我不常見有人上嚟參觀，但有時就見到佢會揾啲鬼佬鬼婆Friends上去開Party。 畫廊隔離係腦細一家嘅Party Room，我喺公司嘅聖誕聯歡會入過去一次，比我屋企仲要大好多，有錢永遠都係有錢人，我哋呢啲打工仔，袛會永遠俾佢哋踩到死死嘅，唉...... 我係因腦細個老婆而辭職，原因佢搞搞震，終於搞到我頭上，忍無可忍，我知佢哋係會喺港島區出沒，唔好俾我喺港島見到佢哋！