啱啱好喺新一年睇完第二次 書名：遺憾修正萬事屋 作者：理想很遠 聽講遲啲準備有第二冊 期待 @waittobewritten 記得幾年前睇第一次嘅時候 嗰段時間都係自己相對失落嘅一段時間 睇到一半已經喊 可能太希望現實都有萬事屋 又或者對於就算修正咗遺憾 都未必會盡如人意嘅呢樣嘢 感到好悲哀 今次睇 都有嗰份感動同觸動 但因為個人開心咗 或者有新嘅感悟 所以睇嘅感覺都唔同咗 都冇睇到喊 可以好好沉浸喺每個故事入面 第二次開呢本書睇之前 都咁啱對於遺憾有新嘅諗法 我相信平行時空同蝴蝶效應 遺憾係源自於覺得做咗錯誤嘅選擇 但如果有平行時空 係唔會有所謂錯誤嘅選擇 每一個選擇都係一條新嘅支線 既然做咗選擇 只需要好好面對你所做嘅選擇並努力著就夠了 唔洗諗當初如果做咗另一個決定會點 因為另一個平行時嘅你都努力緊 跟隨佢嘅選擇 然後喺呢一個時空 做嘅每個選擇 無論好壞 都成就咗而家嘅自己 會覺得遺憾 係咪其實都係因為對而家嘅自己唔滿意？ 唔知下一次睇呢本書嘅時候 我會係一個點樣嘅人 會有咩新嘅諗法