Part 1 2024 我會稱為「忙碌」、「開始」同「機遇」嘅一年 謝謝今年嘅我繼續敢於挑戰，向自己未算擅長嘅領域行前左一大步。 「忙碌」 但今年工作上其實過得不太快樂，見到我嘅學生同學都知道我非常忙，我有時都有對佢地講聲「唔好意思」，因為有時我攰到上堂時無咩精力。 好開心地因著2023嘅努力，帶給了我忙碌，好感恩！ 但同時呢種忙碌帶比我煩憂，因為我做唔到我想做嘅事情，例如：學習、推廣S&C、向世界出發、打機、做運動等等，今年係我運動得最少嘅一年，精力全部去晒學生度。 同時，自己想繼續幫助唔同運動員，贊助球隊及運動員人數愈來愈多，同時亦引黎左一啲想借機，完全毫無理由下都想要我贊助嘅運動員（亦有外援球員）。 ❗️借此亦都講一句，如果你只係當我係街邊其中一個教練，覺得任何一個教練都可以替代我，請你唔好嚟搵我，搵你認為需要搵嘅教練，我唔適合你，球隊亦都一樣😬👍🏼❗️