Part 2 「開始」 所以係2024年中開始，我積極組成LEAVESFIT 運動員訓練中心 leavesfit_performance 以及 教練團隊，尋找志同道合之士，繼續訓練/贊助有心嘅運動員！我一個人嘅力量有限，團隊先可以將涵蓋率提升。但我對教練嘅要求並唔低。我特別為佢地安排左9個月教練訓練課程，因為我要佢地必須做到我嘅要求，先致可以工作。 亦都好開心我搵到有心之士，訓練仍在進行中，加油💪🏻 「機遇」 最後，亦由不同機遇令我有不同發展。贊助嘅乙組女子球隊千年難遇下係季中被中資機構收購，令球隊變得「更職業化？」。 2024年頭有機會認識到 9年NBA G League 且訓練過過百個NBA球星及球員Mike Atkinson，有機會向佢學習。學習到更多如何成為一個Coach，如何兼顧埋球員嘅心理，同一啲好小嘅細節都會影響運動員。而因而再有機會2025帶佢黎香港，我好珍惜呢個機會，因為可以比香港遇到世界級教練，試下比佢訓練，同時亦係比我學習嘅機會。 我依家已經好似小學生咁好雀躍😎😎 今年有做得好好，做得唔好嘅地方，自省再改善。 2025只會做得更好，沒有希望！