2025年第一課 老婆生完呀女之後成日話冇力上落樓梯，令我諗起以前做救護員時做過一點老人家嘅個案，通常佢哋都係上樓梯辛苦，落樓梯膝頭痛，最進原因係肌肉流失。 腿部肌肉佔人體約50%，可以話係全身最大嘅肌肉，而肌肉最重要嘅功能除咗肌力之外就係保護關節，骨骼同內臟，當你長時間唔去刺激肌肉，佢就會流失，啫係開始冇力，之後呢度痛果度痛，最嚴重就係肌小症。 換句話肌肉量係「維持年輕」嘅其中一個重要因素，唔想未老先衰就快啲走去做肌肉訓練。當老婆聽到「維持年輕」後，而家已經乖乖地定時定候同我一齊去做肌肉訓練喇～ P.S.緊記同女人溝通就係要講重點，例如「維持年輕」！🤪 特別鳴謝 @sunshinebblife 提供Training Programme 健身健心