[家庭出行] 傷殘後主題樂園初體驗6 來到最後一個遊戲迷離大宅，我覺得對傷殘人士尼講係最體貼最人性化的進出設計，Fast lane 入去等播片間房，之後排隊去月台，月台側邊有多個月台就係專門為傷殘車卡的月台，可以慢慢上落固定輪椅又唔洗眾目睽睽上車，有另一台control panel專門控制傷殘車卡merge 入去車隊入面，車上有一個陪人座位，今次同大仔睎睎一齊玩☺️。其實佢同小熊維尼固定帶係同一設計，但有多條加長帶張勾前固定帶，唔洗直接勾車，我就好奇問職員依部車固定到，點解小熊維尼佢地話我部車勾唔到，佢只係笑一笑答我佢地車卡唔同大細，佢笑嗰下我就已經明白唔係車卡問題🤫，離開時睎睎都好開心咁同姐姐say bye。 走嘅時候，人流開始停喺大街影飄雪，冇人流管理下，用左好耐時間都出唔到去，係靠架BB車開路比我，我覺得依個位係可以改善下。仲有個小插曲，還BB車唔見左Receipt 沒收了$100蚊按金💸。 我好開心自己可以由兩年前，心口以下郁唔到，慢慢進步到可以以手動輪椅接受最小程度幫助下，同家人一齊出外遊玩，是復康旅程的一個重要里程碑。 #SCI #脊椎創傷 香港迪士尼樂園