暗時九點才臨時決定去101現場感受一下，難得12/31人佇台北，以後凡勢嘛無這號機會矣。 人真正有夠濟，本成逐家攏坐踮塗跤，到上尾半點鐘全部的人攏徛起來等欲翕煙火。 煙火一下放煞，我就隨離開，佇人群中軁來軁去，用上緊的速度行去臨江街夜市騎Youbike，1點鐘內就轉來到宿舍睏。 本成手機仔有寄亂鐘仔4點予giang通好來參加總統府升旗，毋過睏了傷重眠無聽著就較可惜。