其實一個歌手係公眾人物，佢係向公眾負責，由公眾評判，唔係只向fans交代。如果一個歌手自己都發現到公眾普遍唔喜歡佢，而佢繼續我行我素，咁到底係應該責怪公眾滿是hater逼得佢太緊，定係佢真係唔適合呢行？正如叱咤雖然滿是姜字燈牌，可以做到現場票數好高，但叱咤嘅受眾係所有關注呢個樂壇嘅人。公眾人物就係要向所有人交代。如果交代唔到，就說明根本唔應該行上呢個位。小圈子選舉完，就醜婦終需見家翁。就好似選某個高層職位，有個1200人選委會，參選者只向呢1200人拉票，令佢地支持自己，但始終仲有700萬人望住呢件事，呢700萬人有好大比例唔同意個結果。咁個位被三位數字選出來嘅人如果覺得難受，難道應該要求700萬人反思自己係咪對佢太差嗎？fans要明白一件事，就係除左你地之外，無人有義務有必要站在個位歌手嘅角度去為佢考慮與佢共情。從來都係歌手服務大眾，滿足期待，履行公眾人物嘅職責。張敬軒有好多呢方面嘅公開表述，相信大家都耳熟能詳。公眾人物從來都係錯就要認打就要企定，未承受到就係時候自行休息，賣慘賣可憐只會令人更加確信佢唔專業同無職業操守。fans都係時候反思下，自己圍爐自high嘅行為，係咪累左個歌手