2024嘅最後一晚，放工返黎，距離12點剩返三個字，沖涼換衫，食啲生果餅充充飢，坐喺梳化旁地下，望住電視有天壇大佛，出面露台見到小小嘅煙花，無感覺，刷牙啷口，熄燈瞓覺 係，吾知點解，成晚我感到自己係有小小鬱悶 返工當值途中自己大腦經常無意識諗啲吾開心嘅嘢，諗啲依家未發生但未來人生必然會發生同要面對嘅事件，腦裡面不停咁打轉住呢啲畫面，但我係控制吾到不斷咁諗不斷咁loop，我諗呢啲都係一種精神病黎 加上瞓覺瞓得吾太好，兼且又發夢，仲夢到舊屋企度有蛇 我諗，都可能因為蛇年就嚟到卦 瞓醒，已經係新嘅一年，新嘅一天，嗰晚嘅鬱悶？過咗去就算啦，吾記得啦！ 新嘅一年，繼續要增值下自己