最近脆好多文章討論AA嘅問題 可能姨姨我老了，睇到啲男性咁介意比錢真係令我感歎時代變 以前嘅年代，男人覺得請追求緊嘅女士食飯係風度、係誠意；亦都會有自尊心、男性尊嚴等因素在內 而家世代變，覺得點解男人要蝕比女人、點解女人奉旨唔使比錢etc 脷伸之前交友app約見過好多男士，超過7成我都會同對方AA，甚至我請客嘅都有；當然亦有男士好大方請我食、唔肯收返錢 不過我本人嘅角度係我主動提出同對方AA得都差不多等於落了閘只當對方係朋友、費事欠咗人好似出嚟呃餐飯咁 其實好多女人唔介意比錢，只係介意對方冇風度、冇誠意 喺我個人角度，個男士咁介意嗰少少錢第一餐飯都唔肯請嘅，一係就對方對我冇興趣、一係對方好度縮、一係對方想試探我係咪死港女 咩原因都好，呢位男士已在我心目中打了折扣 其實想AA冇問題，咁咪搵一個唔介意嘅女仔囉，都好多女仔鍾意AA嘅 建議好著重AA嘅男士約女仔前講清楚自己只接受AA，願者上釣，咗咪大家都慳返啲時間同金錢囉！