暴力對待 有次我哋美國回程，我自己坐 老豆同媽咪坐 咁我行出嚟先，老豆跟我後面 我行咗幾步我望返轉頭 點解媽咪仲係個位度？ 佢好似解唔到安全帶咁 老豆好炆咁鬧我仲乜唔行 我話媽咪出唔到嚟 老豆：（唔記得鬧咗乜）就係呢一剎那 佢用個手提行李箱好大力推撞我隻腳 想撞我行 嘩！無賴到一個點！我實在忍無可忍！ 最憎人用暴力 我當時有話返佢，再俾佢行先 （我預咗佢再打我，我報警同佢玩大佢） 我返轉頭幫媽咪離開座位 之後我哋要轉機，中間停三小時 我拉住媽咪快行掉低老豆 同媽咪去食嘢 三小時後老豆自己上機 返到香港我嬲咗老豆幾個月 我預咗斷聯，新年都無見 門口放底賀年禮就走咗 之後又係媽咪不停勸我 到老豆出聲叫我返去食飯我先算 每一次企硬其實我唔係做唔到 但每次最難受都係媽咪 我心痛媽咪🙈