極度大男人 疫情前我哋一家去咗美國嘅叔叔度住咗40日 叔叔喺老豆小時候嘅好兄弟 十幾歲就識，無血緣關係嘅叔叔 脾氣超好，又細心 我哋一家住係叔叔屋企40日 叔叔鍾意煮嘢食，日日煮三餐俾我地食 每日買完餸就返嚟準備食材 每日我都見到老豆同細佬返咗入房無出嚟 有時會見到老豆係廳睇報紙 叔叔就準備煮飯食材 睇到呢度有無人見到個問題？ 老豆大男人坐喺到等食，身教咗個仔都係咁 兩個人40日都無幫過手 我同媽咪勁唔好意思 不停睇吓有咩可以幫手 叔叔驚我整親手都唔俾太多嘢我幫 咁我都留係廚房陪佢傾吓偈 唔好等佢一個人準備咁寂寞 人地唔係老馮要服侍我哋一家 已經每日車出車入帶我哋去玩 仲要煮埋飯你食 日日大爺咁款坐喺到等食 我真係唔明點解做得出 就算係好朋友都要顧人感受㗎 叔叔真係脾氣超好 日日都好親切友善帶我哋去玩