有時真係好唔鐘意我阿媽d 行為，好自我中心，我都知自己細個都學佢唔小臭脾氣，成長期間有好心人提我我先慢慢改左d 陋習。 例如，有次去日本，坐左係間餐廳，隔離枱有人食煙供到d 煙埋黎，我都未出聲，我本身唔食煙都好怕煙味，但始終去到人地國家，仲要你地知日本係好講尊重，但我阿媽就黑哂面咁好大動作要轉枱，仲用d 好唔友善既眼神望住人地，但問題係，佢自己以前都係食煙。。。點解可以咁大反應，扮哂清高咁，個刻無辦法唯有靜靜雞閃走，唔想一陣俾人打。。。 又有次，係餐廳，佢d 野食遲左，我就覺得好閒姐，咪叫d 職員跟跟囉，我阿媽又黑哂面咁大大聲話，係咪落錯單啊，未黎啊之類，我叫佢唔好咁大反應啦。。。我心諗，佢以前都係做飲食業，唉，咩料呢？ 仲有時，如果係街有人踩親佢腳踭，佢就街頭啤到人街尾。。。 我唔明，真係唔明，成日口中又話咩信佛又話咩靈修，乜七七。。。自己好似永遠唔化咁。。。 無既，9up 下姐，多謝你睇哂🙂