2024年最開心係入到場睇陳卓賢演唱會 由鯨落開始聽陳卓賢嘅歌 覺得呢個男仔把聲好療癒 好欣賞佢唱作之餘好有自己想法 尋晚睇叱咤心情好似坐過山車咁 一開始見無歌入十大覺得好失望 諗住今晚都係無機會聽到lan 唱live 㗎喇 到宣布陳卓賢攞唱作人同男歌手金獎 喺屋企開心到彈嚟彈去 然後碌threads開始睇到好多質疑 又調獎又局長 到拎至尊唱片嘅時候 已經係擔心多過開心 坦白講，陳卓賢唱功的確有進步空間 尤其佢寫嘅歌都偏高音 唱live 嘅時候好似唔夠 support 上啲高音上得比較勉強 希望佢會繼續努力提升唱歌技巧 期待佢有更穩定嘅現場表演 另外，希望lan唔好受隨獎項而嚟嘅批評影響 好想同lan講一句：你今年嘅表現真係好好💙 期待你來年更多好歌