職場人物圖鑑 #1 究竟係直腸直肚定口沒遮攔？- 1 新年新系列🥳 今集既主角係小菇🍄 我同🍄同另外一個同事F係同期入職 年紀差唔多 所以自自然然會癡埋一齊 不過後來我同F都開始覺得同佢唔係好夾 開始慢慢疏遠佢 🍄好鐘意對同事評頭品足 而佢係鐘意大大聲當住同事面講 啲同事無鬧番佢轉頭 只係默默唔理佢 我地係隔離聽到勁尷尬 我地都feel到個段時間 其他同事對我同F既態度都明顯係冷淡左 我地一開始都有試圖叫佢細聲啲 不過佢就反而覺得 「咁佢咁著真係樣衰呀嘛 我就係要比佢知」 咁都係既 我地覺得尷尬姐 可能其他同事唔係咁覺得呢 咁我同F都覺得既然唔夾 咁咪做普通同事 唔接觸咁多囉 🍄既評論係無分對象既 好快我同F都成為受害者… 續…