只渡有緣人，不渡無緣者。 好多人搵我幫忙我都會盡力去幫，就算係關於冤親債主嘅問題，情況許可嘅話我都會幫，因為我想幫助嘅係眾生，唔單單係在生嘅人。 但係有一啲業力問題，冤親債主或者自作孽就真係唔能夠插手，撇除能夠由佢嘅對話，頭像，甚至係佢嘅IG版面已經能夠感受到佢嘅頻率，知道邊啲幫得，邊啲唔幫得。 鬼仔反噬，靈體已經入心入肺嘅人已經無力回天，佢哋攞正牌去騷擾因為佢自己做嘅選擇，種嘅因，唔能夠由其他人承受呢個果。 就算唔能夠感受佢嘅氣場同頻率，只係見到佢嘅文字對話已經知道佢好有問題，靈體能夠影響人嘅思維，轉數，吸收，好似有野block住左點講都好似聽唔明白講唔明白，而當事人唔會知道，但係外人一睇會覺得佢好似個人好有問題，如圖上嘅對話，佢每一次搵我都只係會講呢幾句，無論解釋得幾清楚都好，佢都係接收唔到呢一個訊息，每一次佢都係想外在去追求更多嘅嘢去幫助佢解決問題，但從來都冇認真思考過自己有任何問題或者其實要對自己負責。 所以真係愛莫能助，做咗咩選擇，自己求咗乜嘢，所有嘅果都要自己承受。 靈性世界