Juror # 2 當連美國本土都爭啲直上串流平台嘅時候 難免令人唏噓 大牌如奇連伊士活嘅傳聞中最後一套作品 都要死爭爛爭先可以爭到小範圍戲院公映 咁究竟以後中小型製作上戲院嘅可能性會唔會又低咗？ 不過呢套戲絕對唔會令人失望 奇連伊士活寶刀未老 接近兩個鐘嘅時間 好好咁描寫一個兩難嘅局面同埋法庭戲 當你知道自己先係兇案嘅真兇 被告係無辜 你會出盡力推動人去投被告有罪 定係嘗試做好心去救人 電影就係專心咁寫主角點樣在呢個路途中掙扎 無毒舌大狀嘅大快人心 無誤判式嘅大量打戲 有嘅只係平淡但有劇力嘅文戲 除咗主角外 最搶鏡嘅配角首選J.K. Simmons 結後最後一幕收得好突然 但諗真吓絕對係餘音裊裊 一張圖講一套戲