朋友結婚前 不斷明示暗示要比幾多人情 又話邊個結婚邊個冇比錢 而家反晒面乜乜77 又探我口風 睇我結婚要比幾多錢我 我比佢嘅係咪都係一樣 其實以我哋交情原本我都冇諗住比得少 亦都冇諗佢要比啲咩我（旅結） 發現原來佢咁計較 哩個係心寒嘅開始 水瓶座係唔迫得 又有少少想測試佢 我特登講相反嘅說話 做同佢諗嘅相反嘅嘢 但係俗語都有講 千其唔好測試人性 我話 人哋比幾多都係人哋嘅事 你擺酒請人嚟係想賺錢定見證慶祝你結婚？ 佢就話係祝福嚟架點可以比咁少 話係酒店擺起碼比幾多 跟本係眾籌結婚 又要面又要小氣 跟住又以為有錢就可以洗死人 當正自己係老細咁叫人做嘢 佢因為面子工程 拉咗十幾個人做姊妹 我寧願唔做姊妹單純做賓客 做佢姊妹仲要好似妹仔咁 被安排喺另一間房食飯仲要冇電視 原全睇唔到席間發生緊咩事 完哂之後佢仲要聽啲小人唆擺 誤會我 結完個婚搞咁多是是非非 你都真係叻 經歷哩種種 我已經心寒到極點 比你嘅人情我當送走瘟神 去完哩個婚禮我哋都正式完 可能真係要發生咁大嘅事 先睇到價值觀唔同真係做唔到朋友