叱吒 細細個晚晚聽903聽到訓著，第二朝隻耳仔仲塞住個耳機搞到勁痛; 聽嘩嘩嘩笑到仆街但要忍住，唔可以俾老豆發現我未訓; 聽Wasabi 靚聲播歌.. These are all part of my Teenhood. 都數唔到今年係連續第幾年我睇叱吒，人人都講Jay Fung，今年係可惜，佢真係好humble、唱live堅穩，仲要勤力，希望佢繼續頂住。 叱吒d獎咁多年都係嗰三十隻左右，唔會無啦啦多左個咩亞太區、咩最佳進步、咩優秀歌手，所以叱吒台對歌手係一個神級既舞台，真係要血汗捱返黎。唔講咁遠，睇Eason, 古巨基，李克勤，許志安打生打死都夠好睇。「係你啦、上黎啦！」6個字已經夠得獎歌手喊到收唔到聲。 但今年我覺得最sad既係個show質素真係差左好多，音響繼續差，run down hea，切合唔到主題，無重點等等... 老實講好多香港人已經無以前咁跟得貼廣東歌，轉左聽台灣 k Pop 外國野，所以叱咤對好多人包括我黎講唔係睇一個頒獎禮，係一件值得參與既「香港事」。 但我今年覺得，呢件「事」反而對搞手黎講，佢哋似乎只係當搞一個頒獎禮就算，唔會再追求更多嘅意義。