簡單點評下每個獎項，希望係中肯，亦會加插🌟歌迷留意位，比多個 angle 大家去留意 專業推介叱咤十大黎講，會試每首歌同歌手都講小小睇法，排位就唔講了，我都唔知點計🤣 Anson Lo - Hey Hey OK! 我都夠膽講係討論度最高既歌手之一，亦講明本身首歌唔係我口味。但好老實講，首歌係唔差。以旋律黎講，帶出既 relaxing vibe 以及個種chill feel，我又覺得係做到足。以 AL 當晚表現黎講，跳住唱無乜甩拍亦無大斷氣，動作 power 感足料。加埋首歌既傳唱度係高，十大都好合理。 洪嘉豪 - 黑玻璃 個人既年度歌都係呢首，拎唔到都無計。 首歌Melody 快速入腦易記夠pop，有 feel 有畫面，唱到周街都識，基本上已經無咩可以補充。KH 既唱功係有進步，不過當晚仍有唔小失誤位。唯一想帶出既係KH自己話出道幾年都無街知巷聞既作品，其實早期既《掉進海的眼淚》、《逆時車站》已經好多人識 😂