大家呢排應該參加咗好多唔同嘅活動🤣去左好多個party (年紀大喇🤪 我就無見識到觀濱free kiss fress hug) 唔知大家識左幾多新朋友呢🤪 參加完活動識咗人，下一步梗係想同啱傾啱vibe嘅人keep contact !!! 拿 如果唔知傾咩可以睇返我哋之前寫嘅話題，今次想講吓傾計時，你嘅心態都好緊要 !! 😎 記得記得一定要保持輕鬆！千其唔好CHUR 記住人係有自由意志嘅，你唔會控制到人哋點諗同點睇你，如果人哋應遲咗或者唔應你，你就唔開心，要生要死，又情勒人哋，咁真係唔會有人想同你做朋友。對方冇打算同你繼續傾落去，你大可以thank you, next，下個更可愛！keep contact從來唔係單方面就做到㗎。 另外，要接受對方唔係724都得閒覆你，有時間咪傾多兩句，冇時間咪等吓，做吓自己野先，記得，自己開心最重要！ Focus自己到仲Charm 😏