異靈靈異 講返屯門住嘅鬼屋，好細個見過有空中飛人整斷屋企出面條浪衫竹，雖然好快，但係都見到係紅衫咁嘅，似係女人，再大啲就成日都喺廚房洗碗時眼尾就會見到有個人行去騎樓個廁所，或者喺廁所行出黎，直覺係男人 有次半夜，我喺上格床聽到個廳有摷膠袋聲好嘈，好奇心驅使伸個頭出去望，係見到個黑色人影企喺枱前面摷緊啲膠袋，佢見到我見到佢就望過嚟，嚇到我即刻大被冚過頭就訓，第二日起身，分別問媽咪同爸爸都話冇摷過膠袋，我就肯定一定唔係我家姐🙈 仲成日發一個惡夢比一舊超大圓形嘅石頭喺個迷官咁嘅地方追，逃跑咁走唔出根住就紥醒，大個左同屋企人講開先知，原來我家姐都有發同一樣嘅惡夢🙈 媽咪仲講返原來搬黎無耐，佢有次發夢有個女人比左d六合彩no. 叫佢買就會中頭獎然後唔知要還d咩比返佢，媽咪就話我咩都唔要，唔好比呢啲野我，屋企人身體健康就夠 呢間屋家宅真係好差，媽咪爸爸成日少少野就會嘈交，好多唔開心嘅嘢發生，之後佢哋都離埋婚，搬走左之後先冇再發惡夢咋😖 但係之後住一間仲猛🙈