幾樣嘢關於NHS 111想講 1. 111 係 轉介 服務。轉介，唔係醫學診斷。電話唔係由醫生/執業護士接聽，佢地可以係無醫學訓練，照問卷問問題，然後話你知可以點做，再將有關資料轉介出gp/a&e。打左唔等於睇左醫生。唔好問佢地自己係咩病，或者病情嚴唔嚴重，佢地唔會答到 2. 問卷內容除非講到明叫你點答，全部都係yes/no question。你可以叫佢澄清字眼或者俾例子，但唔好答啲唔關事或者模棱兩可嘅答案，盞浪費大家時間。（例如，「唔係好痛」係好垃圾嘅答案，有痛就答yes，無就no。你講得再多佢都只係care你到底係yes/no，然後落下一條問題。千祈唔好晒時間講故事） 3. 如果好明顯係emergency，直接打999或者去A&E，當你唔肯定點做，或者係等得下嘅情況先打111 4. 111有廣東話傳譯員服務，你講一聲cantonese就會有人幫你傳譯，就算本身英文ok都可以要求。但記得傳譯員唔一定都住係英國，唔好將你講嘅所有嘢都當係常識，例如街名地名商店名等等。同埋如果用得傳譯員，就算你識少少英文都好，俾個傳譯員管理返對話嘅流程，聽晒先回答 英國生活