無意間又見到有人話 Ian 唔值得攞獎話佢 AP 唔夠戥 JF 唔抵。 其實冇人有交代過點計，民間係一直有人統計，但係過往咁多屆係咪年年都係計算出嚟嘅個結果先？咁過往偉大嘅網民又點 take 嗰啲 “adjustment”? 定係「調走我鍾意嘅就唔得，唔公平，造馬！」「調走我唔鍾意嘅就冇事很好？」如果剩係計 AP 完全係跟DJ 個人喜好嘅播放率咁唔係更唔公平咩？有 adjustment 就一定係唔公平？ Ian 有一輪嘅歌係好類似嘅。但 JF 冇咩？佢一樣有一首超 hit 嘅一樣我聽前奏以為係另一首歌原來係 JF，聽落一樣係熟口熟面的 chord。（咁就算周杰倫口水歌都唔少啦！）唔係踩 JF棒 Ian 我只想帶出我唔係專業評審唔知佢哋以咩理據去 adjust 而有呢個結果，個個都覺得自己係專家，音樂詣藝勁過撐 Ian 嘅軒公咁去話呢個唔抵嗰個唔值。而又有幾多個評 Ian 唔值嘅原來只係「只要係俾Mirror就係唔值？」 我就自問冇資格評⋯⋯ 但我為 Ian 高興，佢嘅歌係有一種紛圍有種風格嘅。而 JF 嘅 R&B 我都鍾意。各位向前看期待每位歌手嘅新歌繼續衝擊樂壇多啲浪花唔好咩？