《自我 難道有錯？》 我覺得係無數次換嚟嘅醒悟 仲記得細個個陣 我其實都幾外向 幾鐘意周圍同人地玩 但係依家嘅我 越嚟越内斂 越嚟越慢熱 識新嘅人 可能印象都係E E 地啦 其實都唔多係真心frd 仲帶點防備心 因為就係熱臉貼冷屁股嘅感覺試過無數次 過分在乎人地嘅想法 甚至癲到 明明無興趣嘅野 但係身邊嘅人都講緊 為咗迎合人 而去睇啲根本無興趣嘅野 就只係為咗想同人有話題 先去改變自己 然後慢慢發覺 我其實唔開心 其實好攰 我發覺我唔需要成為合群嘅人 自己一個都可以開心 我唔需要所有人都喜歡我 慢慢地 我只想遵從内心 按照自己想法就夠 當然我有傾聽過人地 有去共情過其他人 但點解當我需要其他人嘅時候 我要自己消化 人地成日對我負能量輸出 咁點解到我嘅時候 你聽都唔聽/ hea 我 咁點解我仲要接收你嘅負能量 所以都幾討厭被人當做情緒垃圾桶 啲人話我冷漠 因為其他人亦是 我唔係冇共情能力 只係我唔再想了 所以開始唔識安慰人 因為都習慣自己消化 反而仲多咗點解你自己解決唔到嘅想法 (但係我知呢句太傷人 所以就冇同任何人講過） 依家只係想愛自己多啲 保護自己多點