每年叱咤樂壇頒獎典禮完結之後，都有人喺社交媒體講話唔識嗰個歌手、未聽過嗰啲歌、樂壇已死… 然後就post當年黃家駒講香港只有娛樂圈沒有樂壇、陳奕迅話樂壇好灰暗一個人改變唔到嘅對話。 講/post上述啲嘢嘅人其實停留咗佢哋當年聽流行曲嘅時間，佢哋根本冇真正接觸咩叫cantopop，粵語流行音樂就係代表緊大氣電波播緊嘅音樂，代表緊現在、不是以前。 如果一個人正常有出街去商場、堂食麥當勞、有睇ViuTV、有聽電台、用手機播歌，基本上一定聽過cantopop，絕對唔會對而家嘅香港歌手陌生。 今年叱咤派台作品有1000多隻，上得10大就係最top嗰10隻即係0.1%。如果連果0.1%嘅歌都無聽過，我會反問果啲齋話唔識嘅人，佢哋有無接觸過cantopop。 另外，而家嘅張敬軒就真真正正做到一個人影響緊成個樂壇，對比當年陳奕迅話一個人改變唔到，真係相映成趣，有心做一個人都會做到。 香港好在有張敬軒。 張敬軒 #hinscheung