自私自利 疫情前一家人去咗美國叔叔度住40日 叔叔是無血緣的叔叔（老豆朋友） 當我長大後叫做第一次見 年過70嘅長輩 當時叔叔不眠不休揸車車我哋由美國去加拿大 足足揸車超過十小時 玩完幾日再揸車返美國，大家都身心疲累 想休息幾日先再玩 最年輕嘅細佬當然體力最多 而且佢只留10日左右，所以想爭取時間去多啲地方 當晚在客廳討論之後去邊時 細佬喺咁問聽日去邊，去呢度好無？ 叔叔話需要休息一日 細佬彈咗句令人非常驚訝嘅說話 細佬：休息？咁我不如返香港，喺度晒時間 我真係呆那咗，即刻望吓叔叔反應 叔叔依然保持溫柔回應 再望吓我父母，完全無諗住鬧細佬無禮貌，好嘢👏🏻 叔叔唔係欠咗我哋，我哋亦唔係跟團 仲要人地一把年紀都揸十幾小時車 知唔知人地有幾攰 入房問老豆點解唔鬧佢 又喺個句「佢喺唔啱，我聽日會話佢」 算吧啦！我幾時有見過你鬧過佢，佢就要面子要第日話佢，人哋叔叔唔洗嘅？