簡單點評下每個獎項，希望係中肯 專業推介叱咤十大黎講，會試每首歌講小小睇法，排位就唔講了，我都唔知點計🤣 雲浩影 - 回憶半分鐘 牙影人靚聲甜，基本上已經有要紅既元素。如果要數樂壇上自卑格既歌手，除左KH，我諗另一個就係牙影。佢已經唔係第一次講過唔知自己適唔適合做歌手，經常自我懷疑，而呢種性格都可以由佢既曲風中反映出黎。或者2024唔係牙影之年，我相信只要佢無放棄，一定可以走到更遠。想帶出埋成日係Threads 見到佢同Fans 互動，真係好鬼死得意。 容祖兒 - 九秒九 作為香港其中一個最標誌性歌手，我諗近年比人討論得最多係返左大陸市場唱歌。好多人話佢放棄香港市場，但係佢近年係有間中唱下廣東歌，我諗佢亦有提攜唔小後輩，而歌手出埠發展其實唔係壞事，大家都唔想見到香港樂壇塘水滾塘魚架。至於係唔係一定要上綜藝，或者係咪一定要上大陸唱？我諗作為歌手都幾被動，邊到有人聽就去邊到。或者大家無留意，中年好聲音出既龍婷或者其他歌手其實都係由其他地方走黎唱，然後係到搵到自己既一片天，咁唔係好事咩？