其實我想講下叱吒，長文，不喜勿插： 其實我發現好多人睇叱吒都有一個通病，會成日話邊個好勁，點解會無獎，邊首歌好hit，點解會無獎，個歌手努力左甘多年，今年應該比佢攞啦…… 但其實頒獎禮係每年係「香港樂壇」既成績表，而唔係個歌手出道到依家既「香港樂壇」生涯成績，仲要講埋幕前定幕後工作，簡單啲講，即係呢一年唱片公司比左幾多資源係個歌手上面既回報年結。 有啲歌手有實力點解無獎？因為佢既唱片公司今年比佢既資源比上年少，甘佢今年工作少左，所以今年咪無獎囉，最多人講既係陳蕾，就係因為今年佢資源少，所以佢今年咪乜都無。 另外，有啲人講，點解首歌甘hit，叱吒10大既位置甘低？首先，10大既計算係講商台播放率，即係話關乎於DJ播歌既喜好，歌手同DJ既關係，唱片公司有無用額外資源去推歌，所以10大既排名同坊間首歌HIT唔HIT既認知會有出入。最多聽到既係，點解MC首歌甘低，點解張敬軒10大都無，點解容祖兒首歌唔好聽排名都甘高，點解有啲歌連10都無？ 留言再續