關於牙cloud攞獎 有太多感受想分享 決定寫出嚟講下 不經不覺已經鍾意左雲4年 雖然都係上年先見到真人 我好記得造星完左嘅時候 呢個女仔冇選擇即刻出道 反而係返去繼續返office 個時嘅我係有啲睇不透 但係我都支持佢嘅決定 過左1年 呢個女仔最後帶住願望之翼去實現佢嘅夢想 然後3年前你就以新人嘅身分係台上面攞女新人金 個時嘅你覺得自己對唔住呢個金獎 因為個晚表演唔係好好 你應承大家之後會唱得更好 到咗3年後嘅而家 你攞咗女歌手銅同十大歌曲獎 你嘅表現證明左你deserve呢個獎 連軒公都覺得你唱得好好😭😭😭 係台上面你話覺得自己唔係歌手因為冇一首歌可以拎出嚟大家都識 但我想講嘅係其實你每一首歌都有好多人聽！ 唔好再自卑覺得自己唔值得我地嘅鍾意 你係一個對fans超級超級好嘅偶像 你嘅每一首歌都好有意思 我都好鍾意 你嘅音樂一直都陪緊我 陪伴我度過左好多個開心同唔開心既moment (留言續…)