滷話日常 澳門澳門澳門 最近因為滷妻身體不適入左院 今日終於出院啦，呢幾日要靠滷夫同小助手了 即刻黎個延遲版2024流眼淚之年度回顧： 1. 滷夫滷妻竟然開左一年啦☺️ 當初開店時真系膽粗粗，仲住系台灣時同台灣師傅學下野，只系覺得想將台灣既味道帶黎澳門，無諗咁多好快咁開左間台式滷水鋪，有無數個深夜都想放棄，但好彩有各位滷友既支持，我哋先堅持到✊ 2. 年度最受歡迎既滷味單品系 滷牛鍵 同 滷蘿蔔🤎 牛鍵成本高煮完又縮水，但滷夫滷妻真系好鐘意食，所以堅持用貴少少嘅品質，每一片牛鍵橫切面都系大理石花紋，而蘿蔔每條都精挑細選，來貨唔靚寧願浪費都唔賣，所以呢兩樣都成為滷友年度最喜愛滷味 3. 滷夫滷妻提供既唔止系滷味，仲有可以暖心既味道 曾經有幾個滷友講過我哋好似療癒人心既深夜食堂，無論系開心唔開心既野都會想黎同我哋分享，講完成個人都舒服好多，而我哋都好鐘意同客人進一步成為交心既滷友🫶🏻滷闆們都由I人變成半E人😂有時無人反而覺得空虛寂寞，雖然外賣鋪頭好細，只要滷友黎就會好熱鬧🥰 最後感謝所有幫助同支持過我哋既滷友🤎 2025年大家都要平安健康 事事順心 請滷友們繼續多多指教🥰