其實軒公講佢同Ian嘅關係唔係重點。佢講關於歌手每次上台個唱功都要喺到，觀眾唔需要bear歌手遭遇嘅情況，同埋其他留言講歌手應該具備幾套發聲方式應付不同場合，呢啲先係重點。 呢幾日啲討論，無論係圍繞Ian定姜濤甚至moon，都好多係關於佢地個人。但正如軒公講嘅器材，觀眾其實同樣無義務去理解個歌手平時努唔努力，進步嘅幅度，有無心理問題，或者其他live嘅表現。歌手上到公共嘅台就係面向公眾，就要專業，唱功就要對得住個台對得住觀眾，一次做得唔好都接受批評，錯就認打就企定，公眾人物就係向全公眾交代。fans對自己粒星嘅緊張同在意只代表你自己，而粒星唔係只面向你地。fans無權利無資格要求公眾去理解去體諒去從各個角度認識你粒星，公眾都無呢個義務。唱得好令公眾滿意（軒公近年反復強調）本身係歌手嘅義務。公眾唔滿意，應該反思嘅係粒星唔係公眾。fans話人hater話人唔撐樂壇，都唔能夠改變唱得好令公眾滿意係歌手最首要嘅分內事，係一次做得唔好都無走盞要接受批評嘅事。軒公自己當年都話佢爸爸攞住歌詞簿逐粒音捉佢責備佢。如果歌手長期佔據公共舞台同榮譽但長期喺專業性唔達標，咁比公眾持續批評同不受歡迎係天經地義。